ഏഷ്യൻ ഗെയിംസ് ബോക്സിംഗിൽ വനിതകളുടെ 54 കിലോഗ്രാം വിഭാഗത്തിൽ ഇന്ത്യയുടെ പ്രീതി പവാർ വെങ്കല മെഡൽ സ്വന്തമാക്കി. സെമി ഫൈനലിൽ ചൈനയുടെ യുവാൻ ചാങ്ങിനോട് തോറ്റതോടെയാണ് വെങ്കലം കൊണ്ട് പ്രീതി തൃപ്തിപ്പെടേണ്ടി വന്നത്‌. 0-5 പോയിന്റിനായിരുന്നു തോൽവി. യുവാൻ ചാങ് നിലവിൽ ഏഷ്യൻ ഗെയിംസ് ഗോൾഡ് മെഡൽ ജേതാവായിരുന്നു.
4-1ന് സ്‌പ്ലിറ്റ് തീരുമാനത്തിൽ ചാങ് ആദ്യ റൗണ്ടിൽ വിജയിച്ചു. എങ്കിലും രണ്ടാം റൗണ്ടിൽ വിജയിച്ച് പ്രീതി ശക്തമായ തിരിച്ചുവരവ് നടത്തി. അതിനു ശേഷം പിന്നെ ചാങ്ങിന്റെ ആധിപത്യമാണ് കണ്ടത്‌. നിഖത് സറീന് ശേഷം വെങ്കലം നേടുന്ന രണ്ടാമത്തെ ബോക്സറാണ് പ്രീതി.
