ഏഷ്യന്‍ ഗെയിംസ് 2022ലെ ഇന്ത്യയ്ക്ക് ഒരു വെള്ളി മെഡൽ കൂടി. ഷൂട്ടിംഗ് 50m റൈഫിൽ 3P ടീം ഇവന്റിലാണ് ഇന്ത്യ വെള്ളി മെഡൽ നേടിയത്. ഇത് ഗെയിംസിലെ ഇന്ത്യയുടെ 15ാമത്തെ മെഡലാണ്. സിഫ്റ്റ് കൗര്‍ സമ്ര, ആഷി ചൗസ്കി, മാനിനി കൗശിക് എന്നിവര്‍ അടങ്ങിയ ടീം ആണ് ഈ നേട്ടം സ്വന്തമാക്കിയത്.
ഇതിൽ സിഫ്റ്റ് കൗറും ആഷി ചൗസ്കിസും രണ്ടും ആറും സ്ഥാനത്ത് ഫിനിഷ് ചെയ്ത് ഈ വിഭാഗത്തിന്റെ വ്യക്തിഗത ഫൈനലിലേക്ക് യോഗ്യത നേടിയിട്ടുണ്ട്. മാനിനിയ്ക്ക് 18ാമതായി മാത്രമാണ് ഫിനിഷ് ചെയ്യാനായത്.
