ഏഷ്യൻ ഗെയിംസിലെ തങ്ങളുടെ ആദ്യ മത്സരത്തിൽ ഇന്ത്യൻ വനിതാ ടീമിന് കൂറ്റൻ സ്കോർ. മഴ കാരണം 15 ഓവറാക്കി ചുരുക്കിയ മത്സരത്തിൽ 173/2 എന്ന സ്കോർ ഇന്ത്യ മലേഷ്യക്ക് എതിരെ ഉയർത്തി. ഓപ്പണിംഗ് ഇറങ്ങിയ സ്മൃതി മന്ദാനയും ഷഫാലി വർമയും മികച്ച തുടക്കം ഇന്ത്യക്ക് നൽകി. സ്മൃതി 16 പന്തിൽ നിന്ന് 27 റൺസ് അടിച്ചു.
ഷഫാലി 39 പന്തിൽ നിന്ന് 67 റൺസ് അടിച്ച് ടോപ് സ്കോറർ ആയി. 5 സിക്സും 4 ഫോറും അടങ്ങുന്നതായിരുന്നു ഷഫാലിയുടെ ഇന്നിങ്സ്. 29 പന്തിൽ നിന്ന് 47 റൺസുമായി ജമീമ റോഡ്രിഗസ് പുറത്താകാതെ നിന്നു. റിച്ച ഘോഷ് 7 പന്തിൽ നിന്ന് 23 റൺസും അടിച്ചു.
മറുപടി ബാറ്റിംഗിന് ഇറങ്ങിയ മലേഷ്യ 1 റൺസ് എടുത്തു നിൽക്കെ വീണ്ടും മഴയെത്തി.
