ഹാങ്‌ഷൗ ഏഷ്യൻ ഗെയിംസിൽ പുരുഷന്മാരുടെ 3000 മീറ്റർ സ്റ്റീപ്പിൾ ചേസിൽ ഇന്ത്യയുടെ അവിനാശ് സാബിൾ സ്വർണം നേടി. 8:19:50 സെക്കൻഡിൽ ഫിനിഷ് ചെയ്തായിരുന്നു സ്വർണ്ണം. ഈ ഏഷ്യൻ ഗെയിംസിൽ അത്ലറ്റിക്സിലെ ഇന്ത്യയുടെ ആദ്യ സ്വർണ്ണമാണിത്.ഏഷ്യൻ ഗെയിംസിന്റെ ഈ പതിപ്പിലെ ഇന്ത്യയുടെ 12-ാം സ്വർണവും.
തുടക്കം മുതൽ വ്യക്തമായ ലീഡ് എടുത്ത അവിനാഷ്
അവസാന 50 മീറ്ററിൽ എത്തുമ്പോൾ അദ്ദേഹത്തിന്റെ അടുത്തൊന്നും ആരും ഉണ്ടായിരുന്നില്ല. 2022 ലെ കോമൺവെൽത്ത് ഗെയിംസ് വെള്ളി മെഡൽ ജേതാവാണ് അവിനാശ് സാബിൾ. 8 മിനിറ്റ് 11.20 സെക്കൻഡിൽ ഫിനിഷ് ചെയ്ത് ഈ ഇനത്തിൽ ദേശീയ റെക്കോർഡ് അവിനാശിനുണ്ട്. ഇനി 5000 മീറ്ററിലും അവിനാഷ് മത്സരിക്കുന്നുണ്ട്.
