ദക്ഷിണ കൊറിയയിലെ ഗുമ്മിയിൽ നടന്ന ഏഷ്യൻ അത്ലറ്റിക്സ് ചാമ്പ്യൻഷിപ്പ് 2025 ൽ വനിതകളുടെ ഹൈജമ്പിൽ ഇന്ത്യയുടെ പൂജ സ്വർണ്ണ മെഡൽ നേടി മിന്നുന്ന പ്രകടനം കാഴ്ചവെച്ചു. 18 കാരിയായ താരം 1.89 മീറ്റർ ഉയരം ചാടി തൻ്റെ വ്യക്തിഗത മികച്ച പ്രകടനം നടത്തി. 2000 ന് ശേഷം ഈ ഇനത്തിൽ ഏഷ്യൻ തലത്തിൽ സ്വർണം നേടുന്ന ആദ്യ ഇന്ത്യൻ താരം കൂടിയാണ് പൂജ.
സ്വർണം ഉറപ്പിച്ച ശേഷം, 1.92 മീറ്ററിലേക്ക് ഉയർത്തി ദേശീയ റെക്കോർഡ് തിരുത്താൻ കൗമാരക്കാരി ശ്രമിച്ചെങ്കിലും നേരിയ വ്യത്യാസത്തിൽ നഷ്ടപ്പെട്ടു. സീനിയർ തലത്തിൽ പൂജയുടെ ആദ്യത്തെ പ്രധാന മെഡൽ നേട്ടമാണിത്. നേരത്തെ ഏഷ്യൻ അണ്ടർ 18 ചാമ്പ്യൻഷിപ്പിൽ സ്വർണം നേടിയിരുന്നു.
