പാരീസ് ഒളിമ്പിക്സ് ഷൂട്ടിംഗ് മത്സരത്തിൽ പുരുഷൻമാരുടെ 50 മീറ്റർ റൈഫിൾ 3 പൊസിഷൻസ് ഇനത്തിൽ ഇന്ത്യൻ ഷൂട്ടർ സ്വപ്നിൽ കുസാലെ ഫൈനലിൽ ഇടം നേടി. യോഗ്യതാ റൗണ്ടിൽ 590-38x എന്ന സ്‌കോറോടെ ഏഴാം സ്ഥാനത്തെത്തിയാണ് കുസാലെ ഫൈനലിന് യോഗ്യത നേടിയത്. സമ്മർദ്ദത്തിൻകീഴിലും തൻ്റെ കൃത്യതയും സ്ഥിരതയും പ്രകടമാക്കാൻ സ്വപ്നിലിന് ആയി.
ഫൈനൽ ഓഗസ്റ്റ് 1-ന് 13:00 IST ന് ആണ് ഷെഡ്യൂൾ ചെയ്തിരിക്കുന്നത്. അന്ന് കുസാലെ മെഡലിനായി പോരാടും. 589-33x എന്ന സ്‌കോറുമായി 11-ാം സ്ഥാനത്ത് ഫിനിഷ് ചെയ്‌ത ഇന്ത്യൻ ഷൂട്ടർ ഐശ്വരി പ്രതാപിന് ഫൈനലിലേക്ക് മുന്നേറാനായില്ല.
