പാരിസ് ഒളിമ്പിക്സ് ബാഡ്മിന്റണിൽ ലക്ഷ്യ സെന്നിന് വിജയം. ഇന്ന് നടന്ന ഗ്രൂപ്പ് എൽ മത്സരത്തിൽ ലക്ഷ്യ ബെൽജിയത്തിന്റെ ജൂലിയന്‍ കരാഗ്ഗിയെയാണ് നേരിട്ടുള്ള ഗെയിമിൽ പരാജയപ്പെടുത്തിയത്. ആദ്യ ഗെയിമിൽ ഒപ്പത്തിനൊപ്പമുള്ള പോരാട്ടം കണ്ടപ്പോള്‍ രണ്ടാം ഗെയിമിൽ ലക്ഷ്യ മേൽക്കൈ നേടി.
സ്കോര്‍: 21-19, 21-14. ബുധനാഴ്ച നടക്കുന്ന മത്സരത്തിൽ ഇന്തോനേഷ്യയുടെ ജോനാഥന്‍ ക്രിസ്റ്റിയാണ് ലക്ഷ്യയുടെ എതിരാളി. ആദ്യ മത്സരത്തിൽ ലക്ഷ്യ ഗ്വാട്ടമാലയുടെ കോര്‍ഡൺ ഗുവയെ നേരിട്ടുള്ള ഗെയിമിൽ പരാജയപ്പെടുത്തിയിരുന്നു.
