പാരീസ് ഒളിമ്പിക്സ് 2024 ഗെയിംസിൽ ഇന്ത്യയുടെ രണ്ട് അമ്പെയ്ത്ത് ടീം കൂടെ മുന്നേറി. ഇന്ത്യൻ അമ്പെയ്ത്ത് ജോഡികളായ അങ്കിത ഭകത്തും ധീരജ് ബൊമ്മദേവരയും മിക്സഡ് ടീം ഇവൻ്റ് നറുക്കെടുപ്പിൽ ഇടം നേടി. 27 ടീമുകളിൽ നിന്ന്, 1347 പോയിൻ്റുകളുടെ ശ്രദ്ധേയമായ സ്‌കോറോടെ ലഭ്യമായ 16 സ്ഥാനങ്ങളിലൊന്ന് അവർ സ്വന്തമാക്കി, റാങ്കിംഗിൽ അവർ അഞ്ചാം സ്ഥാനത്തെത്തി.
പുരുഷ ടീം ഇനത്തിൽ ധീരജ് ബൊമ്മദേവര, തരുൺദീപ് റായ്, പ്രവീൺ ജാദവ് എന്നിവരടങ്ങിയ ഇന്ത്യൻ ത്രയങ്ങൾ റാങ്കിംഗ് റൗണ്ടിലെ മികച്ച പ്രകടനത്തിന് ശേഷം നേരിട്ട് ക്വാർട്ടറിലേക്ക് മുന്നേറി. അവർ 2013 പോയിൻ്റുകൾ നേടി, മൊത്തത്തിൽ മൂന്നാം സ്ഥാനത്തെത്തി. റാങ്കിംഗ് റൗണ്ടിലെ ആദ്യ നാല് ടീമുകൾ ആണ് നേരിട്ട് ക്വാർട്ടറിലേക്ക് നീങ്ങുക.
ഇന്ന് ഉച്ചയ്ക്ക് നടന്ന മത്സരത്തിൽ ഇന്ത്യൻ വനിതാ ടീമുൻ ക്വാർട്ടർ ഉറപ്പിച്ചിരുന്നു.
