ഇന്ത്യൻ ഷൂട്ടിംഗിന് ഒരു നിരാശ കൂടെ. സരബ്ജോത് സിങ്ങും അർജുൻ സിംഗ് ചീമയും പാരീസ് 2024 ഒളിമ്പിക്‌സിൽ പുരുഷന്മാരുടെ 10 മീറ്റർ എയർ പിസ്റ്റൾ ഫൈനലിലേക്ക് യോഗ്യത നേടുന്നതിൽ പരാജയപ്പെട്ടു. സരബ്ജോത് സിംഗ് മികച്ച പ്രകടനം പുറത്തെടുത്തിട്ടും 577 പോയിൻ്റുമായി 9-ാം സ്ഥാനത്താണ് ഫിനിഷ് ചെയ്തത്. ടൈ-ബ്രേക്കിംഗ് റൂൾ കാരണം ആണ് അദ്ദേഹം ഫൈനലിൽ നിന്ന് പുറത്തായത്. അദ്ദേഹത്തിൻ്റെ കുറഞ്ഞ സെൻട്രൽ ഷോട്ടുകൾ നിർണ്ണായക ഘടകമായി മാറി. യോഗ്യതാ കട്ട്-ഓഫ് 17 Xs ഉള്ള 577 പോയിൻ്റായിരുന്നു, അതേസമയം സരബ്‌ജോട്ടിന് 16 Xs മാത്രമെ ഉണ്ടായിരുന്നുള്ളൂ.
മറുവശത്ത്, അർജുൻ സിംഗ് ചീമ 574 പോയിൻ്റുമായി 18-ാം സ്ഥാനത്തെ് ആണ് ഫിനിഷ് ചെയ്തത്. നേരത്തെ ഇന്ത്യയുടെ 10m എയർ റൈഫിൾ മിക്സ്ഡ് ടീമും ഫൈനലിൽ എത്തുന്നതിൽ പരാജയപ്പെട്ടിരുന്നു.
