അത്ഭുതങ്ങൾ നടക്കും, ഗുജറാത്ത് പ്ലേ ഓഫിൽ എത്തും എന്ന് ഗിൽ

ഗുജറാത്തിന്റെ പ്ലേ ഓഫ് സാധ്യതയിൽ പൂർണ്ണ വിശ്വാസം അർപ്പിച്ച് ക്യാപ്റ്റൻ ശുഭ്മൻ ഗിൽ. ഇന്നലെ ചെന്നൈയെ തോൽപ്പിച്ചതോടെ ഗുജറാത്തിന് 12 മത്സരങ്ങളിൽ നിന്ന് 10 പോയിന്റായിട്ടുണ്ട്. ഇപ്പോഴും ജിടിക്ക് വിദൂര സാധ്യത മാത്രമെ ഉള്ളൂ. എന്നാൽ മത്സരശേഷം പത്രസമ്മേളനത്തിൽ സംസാരിച്ച ഗിൽ ടീമിലെ എല്ലാവരും തങ്ങൾക്ക് ഇപ്പോഴും ആദ്യ നാലിൽ ഇടം നേടാനാകുമെന്ന് വിശ്വസിക്കുന്നുണ്ട് എന്ന് പറഞ്ഞു.

“ഞങ്ങൾക്ക് യോഗ്യത നേടാനുള്ള സാധ്യത 0.1 അല്ലെങ്കിൽ 1 ശതമാനമാണ്. എങ്കിലും ഞങ്ങൾ എല്ലാവരും, 25 പേരും, ഞങ്ങൾക്ക് ഇപ്പോഴും പ്ലേ ഓഫിൽ കടക്കാൻ കഴിയുമെന്ന് വിശ്വസിക്കുന്നുവെന്ന് ഞാൻ കരുതുന്നു. കാരണം കഴിഞ്ഞ രണ്ട് വർഷമായി ഈ ടീമിൽ ഉണ്ട്. അത്ഭുതങ്ങൾ സംഭവിക്കുന്നത് ഞാൻ കണ്ടു, ഞങ്ങളെല്ലാം അത്ഭുതം നടക്കും എന്ന് വിശ്വസിക്കുന്നു, ”ഗിൽ പറഞ്ഞു.