ഷെയ്ൻ ബോണ്ടുമായി മുംബൈ ഇന്ത്യൻസ് പിരിഞ്ഞു

മുൻ ന്യൂസിലൻഡ് ഫാസ്റ്റ് ബൗളറായ ഷെയ്ൻ ബോണ്ടുമായി വേർപിരിയുന്നതായി മുംബൈ ഇന്ത്യൻസ് ഇന്ന് അറിയിച്ചു. 8 വർഷമായി ഷെയ്ൻ ബോണ്ട് മുംബൈക്ക് ഒപ്പം ഉണ്ട്‌. 2015-ൽ മുംബൈയിൽ എത്തിയ ബോണ്ട് അവിടെ ബൗളിംഗ് കോച്ചായി മികച്ച പ്രകടനം തന്നെ കാഴ്ചവെച്ചു. മലിംഗയെ ബൗളിംഗ് കോച്ചായി അടുത്തിടെ മുംബൈ നിയമിച്ചിരുന്നു. അപ്പോൾ തന്നെ ബോണ്ട് ക്ലബ് വിടും എന്ന് ഉറപ്പായിരുന്നു‌.

2015-ൽ ടീമിന്റെ ബൗളിംഗ് കോച്ചായി ചുമതലയേറ്റതിനു ശേഷം 2015, 2017, 2019, 2020 വർഷങ്ങളിൽ MI-യുടെ കിരീട നേട്ടങ്ങളിൽ ബോണ്ട് പ്രധാന പങ്കുവഹിച്ചിരുന്നു. 2021 വരെ മുംബൈ ഇന്ത്യൻസിനായി കളിച്ചിട്ടുള്ള താരമാണ്‌ മലിംഗ. രാജസ്ഥാൻ റോയൽസിനൊപ്പം ബൗളിംഗ് കോച്ചായി അദ്ദേഹം കഴിഞ്ഞ സീസണുകളിൽ പ്രവർത്തിച്ചിരുന്നു.