അയര്‍ലണ്ടിനെതിരെ കടന്ന് കൂടി ഓസ്ട്രേലിയ. തങ്ങളുടെ ആദ്യ മത്സരത്തില്‍ 2-1 എന്ന സ്കോറിനാണ് ടീമിന്റെ വിജയം. 11ാം മിനുട്ടില്‍ ബ്ലേക്ക് ഗോവേഴ്സ് പെനാള്‍ട്ടി കോര്‍ണറിലൂടെ ഓസ്ട്രേലിയയെ ലീഡിലേക്ക് നയിച്ചുവെങ്കിലും രണ്ട് മിനുട്ടുകള്‍ക്ക് ശേഷം ഷെയിനിലൂടെ അയര്‍ലണ്ട് സമനില ഗോള്‍ കണ്ടെത്തി. ആദ്യ പകുതി അവസാനിക്കുമ്പോള്‍ ടീമുകള്‍ 1-1 എന്ന സ്കോറിനു സമനില പാലിയ്ക്കുകയായിരുന്നു.
34ാം മിനുട്ടില്‍ ടിം ബ്രാന്‍ഡ് ഓസ്ട്രേലിയെ വീണ്ടും മുന്നിലെത്തിച്ചു. തുടര്‍ന്ന് ഗോളുകള്‍ മത്സരത്തില്‍ പിറക്കാതിരുന്നപ്പോള്‍ 2-1ന്റെ ആനുകൂല്യത്തില്‍ മത്സരം ഓസ്ട്രേലിയ സ്വന്തമാക്കി.
