പൂള്‍ എ മത്സരത്തില്‍ അര്‍ജന്റീനയ്ക്ക് രണ്ടാം ജയം. ആദ്യ മത്സരത്തില്‍ സ്പെയിനിനെതിരെ കടന്ന് കൂടിയ ശേഷം ഏകപക്ഷീയമായ ജയമാണ് ഇന്ന് ന്യൂസിലാണ്ടിനെതിരെ ടീം സ്വന്തമാക്കിയത്. 3-0 എന്ന സ്കോറിനായിരുന്നു അര്‍ജന്റീനയുടെ വിജയം. ആദ്യ പകുതിയില്‍ ഒരു ഗോളിനായിരുന്നു ടീം മുന്നില്‍.
23ാം മിനുട്ടില്‍ അഗസ്റ്റിന്‍ മസ്സില്ലി നേടിയ ഗോളിലൂടെ അര്‍ജന്റീന മത്സരത്തില്‍ മുന്നിലെത്തി. 41ാം മിനുട്ടില്‍ ലൂകാസ് വില്ലയും 55ാം മിനുട്ടില്‍ ലൂകാസ് മാര്‍ട്ടിനെസും അര്‍ജന്റീനയ്ക്കായി ഗോള്‍ വല കുലുക്കി.
