ജൂനിയർ മെൻസ് ഹോക്കി ലോകകപ്പ് 2025ൽ മൂന്നാം സ്ഥാനത്തിനായി നടന്ന മത്സരത്തിൽ അർജന്റീനയ്ക്കെതിരെ 4-2 ന്റെ തകർപ്പൻ വിജയം നേടി ഇന്ത്യൻ ടീം വെങ്കല മെഡൽ സ്വന്തമാക്കി. മത്സരത്തിന്റെ ഭൂരിഭാഗം സമയവും 0-2 ന് പിന്നിലായിരുന്ന യുവ ഇന്ത്യൻ ടീം, നാലാം ക്വാർട്ടറിൽ അങ്കിത് പാൽ, മൻമീത് സിംഗ്, ശാരദ നന്ദ് തിവാരി, അൻമോൽ എക്ക എന്നിവർ നേടിയ ഗോളുകളിലൂടെ അതിവേഗം നാല് ഗോളുകൾ നേടി വിജയം ഉറപ്പിച്ചു.
പാരിസ് ഒളിമ്പിക്സിൽ സീനിയർ ടീം നേടിയ വെങ്കല മെഡൽ നേട്ടത്തിൽ നിന്ന് പ്രചോദനം ഉൾക്കൊണ്ട കോച്ച് പി ആർ ശ്രീജേഷിന്റെ കുട്ടികൾ ശ്രദ്ധേയമായ ചെറുത്തുനിൽപ്പും പോരാട്ടവീര്യവുമാണ് ഈ മത്സരത്തിൽ കാഴ്ചവെച്ചത്. ടൂർണമെന്റിന്റെ ചരിത്രത്തിൽ ഇന്ത്യയുടെ ആദ്യത്തെ മൂന്നാം സ്ഥാനമാണിത്. 2016-ൽ ലഖ്നൗവിൽ കിരീടം നേടിയതിന് ശേഷം തുടർച്ചയായി നാലാം സ്ഥാനത്ത് ഫിനിഷ് ചെയ്യുന്നതിൽ നിന്ന് ഈ വിജയം ടീമിനെ രക്ഷിച്ചു.
