വെറ്റലിന് പകരക്കാരൻ ആയി, കാർലോസ് സൈൻസ് ഫെറാറിയുമായി കരാർ ഒപ്പുവെച്ചു

സെബാസ്റ്റ്യൻ വെറ്റൽ 2020 അവസാനത്തോടെ ഫെറാറി വിടുമെന്ന് അറിയിച്ചതിനു പിന്നാലെ ഫെറാറി പകരക്കാരനെ സൈൻ ചെയ്തു. മക്ലെരെൻ ഡ്രൈവ്വറായ കാർലോസ് സൈൻസ് ആകും ഫെറാറിയിൽ എത്തുക. താരം ഫെറാറിയുമായി കരാർ ഒപ്പുവെച്ചു. രണ്ട് തവണ ലോക ചാമ്പ്യനായിട്ടുള്ള കാർലോസ് സൈൻൻസ് സീനിയറിന്റെ മകനാണ് സൈൻസ്.

സൈൻ മക്ലരൻ വിടുമ്പോൾ അവിടെ പകരക്കാരനായി റികിയാർഡോ എത്തും. കഴിഞ്ഞ ദിവസം ഫെറാറിയുമായുള്ള കരാർ ചർച്ചകളിൽ ഉടക്കിയായിരുന്നു വെറ്റൽ ടീം വിടും എന്ന് അറിയിച്ചത്. 2015 മുതൽ ഫെറാറിയുടെ ഒന്നാം ഡ്രൈവർ ആയിരുന്നു വെറ്റൽ. ഇനി ഫെറാറിയിൽ സൈൻസിന്റെയും ചാൾസ് ലെക്ലെർകിന്റെയും കൂട്ടുകെട്ട് കാണാൻ ആവും. ഇരുവരും ഫെറാറിയെ അടുത്ത സീസണിൽ വളരെ അധികം മുന്നോട്ട് നയിക്കും എന്നാണ് നിരീക്ഷകർ പ്രവചിക്കുന്നത്.