ഫുട്‌ബോളിൽ നിന്നു വിരമിച്ചു ഇംഗ്ലണ്ടിന്റെ റെക്കോർഡ് ഗോൾ വേട്ടക്കാരി എലൻ വൈറ്റ് | Report

ഇംഗ്ലണ്ടിന്റെ യൂറോ കപ്പ് ജയത്തിൽ എലൻ വൈറ്റ് നിർണായക സംഭാവനയാണ് നൽകിയത്.

ഇംഗ്ലണ്ടിന്റെ യൂറോ കപ്പ് ജയത്തിൽ എലൻ വൈറ്റ് നിർണായക സംഭാവനയാണ് നൽകിയത്.

ഇംഗ്ലണ്ട് വനിത ടീമിന്റെ റെക്കോർഡ് ഗോൾ വേട്ടക്കാരി എലൻ വൈറ്റ് ഫുട്‌ബോളിൽ നിന്നു വിരമിക്കൽ പ്രഖ്യാപിച്ചു. 33 മത്തെ വയസിൽ തന്റെ സ്വപ്നങ്ങൾ യാഥാർഥ്യം ആക്കിയ ശേഷമാണ് തന്റെ വിട വാങ്ങൽ എന്നാണ് എലൻ വൈറ്റ് തന്റെ വിടവാങ്ങൽ സന്ദേശത്തിൽ പറഞ്ഞത്. യൂറോപ്യൻ ജേതാവ് ആവുക എന്ന സ്വപ്നം സാധ്യമാക്കി എന്നു പറഞ്ഞ മാഞ്ചസ്റ്റർ സിറ്റി താരം പരിശീലകരോടും സഹതാരങ്ങളോടും ആരാധകരോടും കുടുംബത്തിനോടും എല്ലാം നന്ദി പറഞ്ഞു.

ഇനി വരും തലമുറകൾക്ക് വഴിമാറുക ആണ് താൻ എന്നു പറഞ്ഞ വൈറ്റ് കഠിനാധ്വാനം കൊണ്ടു എന്തും സാധ്യമാകും എന്നു യുവതാരങ്ങളെ ഓർമ്മിപ്പിച്ചു. കഠിനാധ്വാനം ആണ് പലരും ഇംഗ്ലണ്ടിന് ആയി കളിക്കാൻ ആവില്ലെന്ന് പറഞ്ഞ തന്നെ കൊണ്ടു റെക്കോർഡ് നേട്ടം കൈവരിക്കാൻ സഹായിച്ചത് എന്നു വൈറ്റ് കൂട്ടിച്ചേർത്തു. പുതുതലമുറയുടെ കളി കാണാനുള്ള തന്റെ സമയം ആണ് ഇതെന്നും വൈറ്റ് പറഞ്ഞു.

എലൻ വൈറ്റ്

ഫുട്‌ബോളിനോട് നന്ദി പറഞ്ഞു കൊണ്ടാണ് താരം വിട വാങ്ങൽ പ്രഖ്യാപനം അവസാനിപ്പിച്ചത്. ഇംഗ്ലണ്ടിന് ആയി 113 മത്സരങ്ങളിൽ 52 ഗോളുകൾ നേടിയ വൈറ്റ് ഇംഗ്ലണ്ടിന്റെ റെക്കോർഡ് ഗോൾ വേട്ടക്കാരിയാണ്. ക്ലബ് തലത്തിൽ ആഴ്‌സണലിലും പിന്നീട് മാഞ്ചസ്റ്റർ സിറ്റിയിലും താരം നേട്ടങ്ങൾ കൈവരിച്ചിട്ടുണ്ട്. ഇംഗ്ലീഷ് വനിത ഫുട്‌ബോൾ കണ്ട ഏറ്റവും മികച്ച താരങ്ങളിൽ ഒരാളായ വൈറ്റിന് ആശംസകൾ നേർന്നു ബെത്ത് മെഡ് അടക്കമുള്ള നിരവധി സഹതാരങ്ങൾ രംഗത്ത് വന്നിരുന്നു.

Story Highlight : England’s record goal scorer Ellen White announced retirement from football.