ഇന്ത്യൻ വനിതാ ലീഗ്; ആരോസിന് വീണ്ടും വിജയം

ഹീറോ ഇന്ത്യൻ വനിതാ ലീഗിൽ ഭുവനേശ്വറിലെ ഏഴാം ബറ്റാലിയൻ ഗ്രൗണ്ടിൽ SSB വിമൻ എഫ്‌സിയെ നേരിട്ട AIFF-ന്റെ ഡെവലപ്‌മെന്റ് ടീമായ ഇന്ത്യൻ ആരോസിന് 2-0ന്റെ വിജയം. രണ്ടാം പകുതിയിൽ വിംഗർ സുനിത മുണ്ടയും സ്‌ട്രൈക്കർ അപുർണ നർസാരിയുമാണ് ആരോസിന്റെ ഗോളുകൾ നേടിയത്. അപൂർണ കളിയിലെ താരവുമായി. ഈ വിജയത്തോടെ ഇന്ത്യൻ ആരോസ് ഹീറോ ഐഡബ്ല്യുഎല്ലിൽ അഞ്ച് മത്സരങ്ങളിൽ നിന്ന് 10 പോയിന്റായി. നാലാം സ്ഥാനത്താണ് ആരോസ് ഉള്ളത്.