ചരിത്രം എഴുതാൻ ഗോകുലം കേരള വനിതകൾ ഇന്ന് ഇറങ്ങും

20211106 215808

ഇന്ന് ഇന്ത്യൻ ഫുട്ബോളിന് തന്നെ ചരിത്ര പ്രാധാന്യമുള്ള ദിവസമാണ്. ഇന്ത്യയെ പ്രതിനിധീകരിച്ച് ഗോകുലം വനിതകൾ ഇന്ന് ഏഷ്യൻ ക്ലബ് ചാമ്പ്യൻഷിപ്പിന് ഇറങ്ങുകയാണ്. ഇന്ന് നടക്കുന്ന എഎഫ്സി വനിതാ ക്ലബ് ചാമ്പ്യൻഷിപ്പിന്റെ ഉദ്ഘാടന മത്സരത്തിൽ ഗോകുലം കേരള എഫ്സി ജോർദാൻ ലീഗ് ചാമ്പ്യന്മാരായ അമ്മാൻ എസ്സിയെ നേരിടും. ജോർദാൻ സമയം വൈകുന്നേരം 7 മണിക്ക് (10:30 PM IST) ആണ് മത്സരം നടക്കുന്നത്. ജോർദാൻ FA യൂട്യൂബ് പേജിൽ കളി തത്സമയം സംപ്രേക്ഷണം ചെയ്യും.

ഇതാദ്യമായാണ് ഒരു ഇന്ത്യൻ വനിതാ ക്ലബ് കോണ്ടിനെന്റൽ ചാമ്പ്യൻഷിപ്പ് കളിക്കുന്നത്. മലബാറിയക്കാർ അഞ്ച് വിദേശികളും പത്ത് ദേശീയ ടീം കളിക്കാരും അടങ്ങുന്ന ശക്തമായ സംഘത്തെ ആണ് ജോർദാനിലേക്ക് അയച്ചത്. നിലവിൽ ഇന്ത്യൻ ടീമിന്റെ അസിസ്റ്റന്റ് കോച്ചായ പ്രിയ പിവിയാണ് ഗോകുലം ടീമിനെ പരിശീലിപ്പിക്കുന്നത്.

“ഇന്ത്യയിൽ, വനിതാ ഫുട്ബോൾ അതിവേഗം വളരുകയാണ്. ചാമ്പ്യൻഷിപ്പ് നേടാനായാൽ, രാജ്യത്തെ വനിതാ ഫുട്ബോൾ താരങ്ങൾക്ക് ഇത് വലിയ ഉത്തേജനമാകും. ഞങ്ങൾക്ക് മികച്ചതും ശക്തവുമായ ഒരു സ്ക്വാഡുണ്ട്, കിരീടത്തിൽ കുറഞ്ഞതൊന്നും ഞങ്ങൾ ലക്ഷ്യമിടുന്നില്ല,” ഗോകുലം കേരള എഫ്സിയുടെ മുഖ്യ പരിശീലകയായ പ്രിയ പിവി പറഞ്ഞു.

“ഇന്ത്യൻ ടീമിന്റെ കളിരീതിയെക്കുറിച്ച് ഞങ്ങൾക്ക് യാതൊരു ധാരണയുമില്ല. അതിനാൽ ഞങ്ങൾ ഞങ്ങളുടെ കളി ശൈലിയിൽ ഉറച്ചുനിൽക്കും, ആതിഥേയരായതിനാൽ, ഞങ്ങളുടെ കളിക്കാർ ആദ്യ മത്സരം വിജയിക്കാനും മികച്ച രീതിയിൽ പ്രചാരണം ആരംഭിക്കാനും എല്ലാ ശ്രമങ്ങളും നടത്തും, ”അമ്മാൻ എസ്സി ഹെഡ് കോച്ച് ഖാലിദ് നിമർ പറഞ്ഞു.

അമ്മാൻ എസ്സി, അടുത്തിടെ ജോർദാനിയൻ ലീഗ് നേടിയ ആത്മവിശ്വാസത്തോടെ കളിക്കുക. ഗോകുലം കേരള എഫ്സി രണ്ട് സ്ട്രൈക്കർമാരെ റിക്രൂട്ട് ചെയ്തിരുന്നു ഘാനയിൽ നിന്നുള്ള എൽഷദ്ദായി അച്ചെംപോംഗ്, കൊളംബിയയിൽ നിന്നുള്ള കാരെൻ സ്റ്റെഫാനി പേസ് എന്നീ സ്ട്രൈക്കർമാർ ഗോകുലത്തിന് കരുത്താകും. പ്യൂർട്ടോറിക്കൻ മിഡ്ഫീൽഡർ അഡ്രിയാന ടിരാഡോ, ഘാന ഡിഫൻഡർ സൂസൻ അമ ദുവാ എന്നിവരോടൊപ്പം മ്യാൻമർ വിംഗർ/ഫോർവേഡ് വിൻ തിൻഗി ടൺ എന്നിവരും ഗോകുലത്തെ പ്രതിനിധീകരിക്കും. ഇന്ത്യൻ താരങ്ങളായ ഡാങ്മെയി ഗ്രേസ്, അദിതി ചൗഹാൻ, ദലീമ ചിബ്ബർ, മനീഷ കല്യാണ്, രഞ്ജന ചാനു, സൗമ്യ എന്നിവരും ടീമിന് കരുത്ത് പകരുന്നുണ്ട്.

Previous articleകരിയറിൽ 400 ഗോളുകൾ തികച്ചു നെയ്മർ
Next article“മാഞ്ചസ്റ്റർ സിറ്റിയുടെ നിലവാരം യുണൈറ്റഡിനില്ല, മാറ്റങ്ങൾ വരണം” – ബ്രൂണോ