യുവേഫ നേഷൻസ് ലീഗിൽ ആദ്യ മത്സരത്തിൽ റഷ്യ തുർക്കിയെ പരാജയപ്പെടുത്തി. ഒന്നിനെതിരെ രണ്ടു ഗോളുകൾക്കാണ് റഷ്യയുടെ വിജയം. റഷ്യയുടെ ലോകകപ്പ് താരങ്ങളായ ഡെന്നിസ് ചെറിഷെഫും ആർചെം സ്യൂബയുമാണ് റഷ്യക്ക് വേണ്ടി ഗോളടിച്ചത്. തുർക്കിയുടെ ആശ്വാസ ഗോൾ സർദാർ അസീസും നേടി.
ലോകകപ്പിലെ ക്വാർട്ടർ ഫൈനലിസ്റ്റുകളായ റഷ്യ മിൿച്ച പ്രകടനമാണ് പുറത്തെടുത്തത്. പതിമൂന്നാം മിനുറ്റിൽ ചെറിഷെഫ്‌ മികച്ച വോളിയിലൂടെ റഷ്യയെ മുന്നിലെത്തിച്ചു. സർദാർ അസീസിലൂടെ തുർക്കി സമനില നേടി. എന്നാൽ ലോകകപ്പിൽ മൂന്നു ഗോൾ നേടിയ സ്യൂബ രണ്ടാം പകുതിയുടെ തുടക്കത്തിൽ റഷ്യയെ മുന്നിലെത്തിച്ചു. ഇനി തുർക്കി അടുത്ത മത്സരത്തിൽ സ്വീഡനെയാണ് നേരിടുക.
