യുവേഫ നേഷൻസ് ലീഗിൽ സെമിയിൽ എത്തുന്ന ആദ്യ ടീമായി പോർച്ചുഗൽ. മിലാനിലെ സാൻ സൈറോയിൽ വെച്ച് നടന്ന മത്സരത്തിൽ ഇറ്റലിയെ സമനിലയിൽ തളച്ചാണ് പോർച്ചുഗൽ ഈ നേട്ടം സ്വന്തമാക്കിയത്. ഗോൾ രഹിത സമനിലയിലായിരുന്നു അസൂറികളുമായുള്ള മത്സരം പിരിഞ്ഞത്. വീണ്ടുമൊരു സമനിലയുമായി നേഷൻസ് ലീഗ് കാമ്പെയിൻ ഇറ്റലി അവസാനിപ്പിച്ചു.
ഈ വർഷം രണ്ടാം തവണയാണ് അസൂറിപ്പട സമനിലയുമായി ഒരു ടൂർണമെന്റിന് യോഗ്യത നേടാൻ കഴിയാതിരുന്നത്. ദശാബ്ദങ്ങളുടെ ഫുട്ബോൾ ചരിത്രത്തിൽ ആദ്യമായി ലോകകപ്പിന് യോഗ്യത നേടാൻ ഇറ്റലിക്ക് സാധിച്ചിരുന്നില്ല. അതിനു പിന്നാലെയാണ് നേഷൻസ് ലീഗിൽ നിന്നും അസൂറികൾ പുറത്താകുന്നത്. ആറാമത്തെ സമനിലക്കുരുക്കാണ് ഇറ്റലിക്കിത്. മാൻചിനിയുടെ നേരെ കടുത്ത വിമർശങ്ങൾ ഉയരുമെന്നാണ് ഉറപ്പാണ്. ആദ്യ പകുതിയിൽ മികച്ച പ്രകടനം കാഴ്ച വെച്ച ഇറ്റലി രണ്ടാം പകുതിയിൽ അത് തുടരാനോ ഗോളടിക്കാനോ സാധിച്ചില്ല.
