യൂറോ കപ്പിൽ മാസഡോണിയക്ക് എതിരായ ഇരട്ട ഗോൾ നേട്ടത്തോടെ ഹോളണ്ട് ക്യാപ്റ്റൻ ജോർജിയോ വൈനാൽഡം പുതിയ നേട്ടം കൈവരിച്ചു. ഹോളണ്ടിനായി 24 ഗോളുകൾ നേടിയ ഇതിഹാസ താരം മാർക്കോ വാൻ ബാസ്റ്റനേക്കാൾ ഗോളുകൾ നേടിയ താരമായി ഇന്ന് വൈനാൽഡം. ഇന്നത്തെ ഗോളുകളോടെ താരം രാജ്യത്തിനായി 25 ഗോളുകൾ എന്ന നേട്ടവും പൂത്തിയാക്കി.
യൂറോ കപ്പിൽ തന്നെ ഇതുവരെ മികച്ച പ്രകടനകാരിൽ ഒരാളാണ് 30 വയസുകാരനായ വൈനാൽഡം. ഏതാനും ദിവസങ്ങൾക്ക് മുൻപാണ് താരം ഫ്രഞ്ച് ക്ലബ്ബ് പി എസ് ജിയിലേക്ക് തന്റെ ട്രാൻസ്ഫർ പൂർത്തിയാക്കിയത്. നേരത്തെ ഹോളണ്ടിനായി യൂറോയിൽ ഉക്രയിന് എതിരെയും താരം ഗോൾ നേടിയിരുന്നു. 2011 ലാണ് താരം ആദ്യമായി ഹോളണ്ട് ജേഴ്സി അണിഞ്ഞത്.
