ട്രാൻസ്ഫർ വിൻഡോയിൽ ലിവർപൂളിന് തിരിച്ചടി. സ്പാനിഷ് താരം സുബിമെൻഡിയെ സൈൻ ചെയ്യാനുള്ള അവരുടെ ശ്രമങ്ങൾ പരാജയപ്പെട്ടു. സുബിമെൻഡി ലിവർപൂളിന്റെ ഓഫർ നിരസിച്ചു. റയൽ സോസിഡാഡ് താരവുമായി നടത്തിയ ചർച്ചക്ക് ശേഷം താരം ക്ലബിൽ തന്നെ തുടരാൻ തീരുമാനിക്കുക ആയിരുന്നു.
25കാരനായ സ്‌പെയിൻ ഇൻ്റർനാഷണലിനെ സ്വന്തമാക്കാൻ ആയി 60 മില്യൺ യൂറോയോളം (51.7 മില്യൺ ഡോളർ; 63.4 മില്യൺ) ലിവർപൂൾ വാഗ്ദാനം ചെയ്തിരുന്നു. എന്നാൽ സോസിഡാഡ് താരത്തെ നിലനിർത്താൻ തന്നെയാണ് തുടക്കം മുതൽ ആഗ്രഹിച്ചത്.
സ്പെയിനൊപ്പം യൂറോ കപ്പ് വിജയിച്ച സുബിമെൻഡി സ്പെയിനിലെ ഏറ്റവും മികച്ച ഡിഫൻസീവ് മിഡ്ഫീൽഡറായാണ് കണക്കാക്കപ്പെടുന്നത്. 2011 മുതൽ താരം റയൽ സോസിഡാഡിനൊപ്പം ആണ് ഉള്ളത്.
