ചെൽസിയുടെ താരമായിരുന്ന സാപകോസ്റ്റ ക്ലബ് വിട്ടു. റൈറ്റ് ബാക്കായ താരം സീരി എ ക്ലബായ ജെനോവയിലേക്കാണ് പോകുന്നത്. ചെൽസിയിൽ നിന്ന് ലോണടിസ്ഥാനത്തിലാണ് സാപകോസ്റ്റ ആദ്യ ജെനോവയിലേക്ക് പോകുക. പിന്നീട് അടുത്ത സീസണിൽ താരം അവിടെ സ്ഥിര കരാറും ഒപ്പുവെക്കും. 27കാരനായ താരം കഴിഞ്ഞ സീസണിൽ ഇറ്റലിയിൽ റോമയ്ക്ക് വേണ്ടി ലോണിൽ കളിച്ചിരുന്നു.
എന്നാൽ കഴിഞ്ഞ ഒക്റ്റോബറിൽ ഏറ്റ എ സി എൽ ഇഞ്ച്വറിക്ക് പിന്നാലെ താരം തിരികെ ചെൽസിയിൽ എത്തുകയായിരുന്നു. ഇപ്പോൾ പൂർണ്ണ ഫിറ്റ്നെസിലേക്ക് തിരികെ എത്തിയ സാപകോസ്റ്റ ഇന്ന് ഇറ്റലിയിൽ എത്തി മെഡിക്കൽ പൂർത്തിയാക്കും. 2017ൽ വലിയ പ്രതീക്ഷയോടെ ചെൽസിയിൽ എത്തിയ താരത്തിന് ഇംഗ്ലണ്ടിൽ കാര്യമായി ഒന്നും ചെയ്യാൻ ആയില്ല. മുമ്പ് ടൊറീനോ, അറ്റലാന്റ എന്നീ ക്ലബുകൾക്ക് ഒക്കെ കളിച്ച താരമാണ്.
