യാൻ സൊമ്മർ ബയേൺ മ്യൂണിക്ക് വിടുമെന്ന് ഉറപ്പാകുന്നു. പരിക്കേറ്റ മാനുവൽ ന്യൂയറിന് പകരക്കാരനായി സ്വിസ് അന്താരാഷ്ട്ര ഗോൾകീപ്പർ ബൊറൂസിയ മോൺചെൻഗ്ലാഡ്ബാച്ചിൽ നിന്ന് ജനുവരി ട്രാൻസ്ഫർ വിൻഡോയിൽ ബയേണിൽ എത്തിയത്. 34-കാരനായ താരത്തിന് 2025വരെ കരാർ ഉണ്ടെങ്കിലും ന്യൂയർ പരിക്ക് മാറി എത്തുന്നതിനാൻ സൊമ്മറിന് ഇനി ടീമിൽ അവസരം കിട്ടിയേക്കില്ല.
കൂടാതെ AS മൊണാക്കോയുമായുള്ള ലോൺ സ്പെൽ അവസാനിക്കുന്ന അലക്സാണ്ടർ നൂബെലും മ്യൂണിക്കിലേക്ക് മടങ്ങി എത്തുന്നുണ്ട്. സോമറിനെ വിൽക്കാൻ ആണ് ഇപ്പോൾ ബയേൺ ശ്രമിക്കുന്നത്. ഈ സീസണിലെ എല്ലാ മത്സരങ്ങളിലുമായി ബയേണിനായി സോമർ 24 തവണ കളിച്ചു. സൊമ്മറിനായി ഫ്രാൻസിൽ നിന്നും ഇംഗ്ലണ്ടിൽ നിന്നും ഇപ്പോൾ ഓഫറുകളുണ്ട്.
