ഇരുപതുകാരനായ ഡച്ച് യുവതാരം സാവി സിമൻസ് പാരീസ് സെന്റ് ജെർമനിൽ തിരിച്ചെത്തി. പി.എസ്.വിയിൽ മികച്ച പ്രകടനം നടത്തിയ താരത്തിനു ആയി പി.എസ്.ജി ബയ് ബാക് ക്ലോസ് ആക്ടിവേറ്റ് ചെയ്യുക ആയിരുന്നു. തങ്ങളുടെ അക്കാദമി താരമായ സാവി സിമൻസിന് ആയി 6 മില്യൺ യൂറോയാണ് പി.എസ്.ജി മുടക്കിയത്.
നിലവിൽ ഡച്ച് ലീഗിൽ മികച്ച പ്രകടനം നടത്തിയ സാവി സിമൻസിന് ആയി മറ്റ് ക്ലബുകളും രംഗത്ത് ഉണ്ടായിരുന്നു. എന്നാൽ പി.എസ്.ജി ക്ലോസ് ആക്ടിവേറ്റ് ചെയ്തതോടെ താരം പാരീസിൽ എത്തി. നിലവിൽ എംബപ്പെയും, നെയ്മറും രണ്ടു പേരും പാരീസിൽ തുടർന്നാൽ സിമൻസ് ഏതെങ്കിലും ക്ലബിൽ ലോണിൽ പോവും ഇനി ഇവരിൽ ആരെങ്കിലും ക്ലബ് വിട്ടാൽ സിമൻസ് പാരീസിൽ തുടരും എന്നുമാണ് റിപ്പോർട്ട്.
