യുവ ഡച്ച് താരം സാവി സിമൺസ് പി എസ് ജിയിലേക്ക് തിരികെ പോകില്ല എന്ന് സൂചന. ലെപ്സിഗിൽ തന്നെ സ്ഥിര കരാർ ഒപ്പുവെക്കാൻ ആണ് സിമൺ ഇപ്പോൾ ആഗ്രഹിക്കുന്നത്. തന്റെ ഭാവി എന്താണെന്ന് യൂറോ കപ്പിനു മുമ്പ് തീരുമാനിക്കും. ഇപ്പോൾ ലോണിൽ ആർ.ബി ലൈപ്സിഗിൽ കളിക്കുകയാണ് താരം. ജർമ്മൻ ക്ലബിൽ മികച്ച പ്രകടനം നടത്താൻ താരത്തിന് ഇതുവരെ ആയിട്ടുമുണ്ട്. താരത്തെ ഒരു സീസണിൽ കൂടെ ലെപ്സിഗ് ലോണിൽ നിലനിർത്താൻ ആഗ്രഹിക്കുന്നുണ്ട്.
ലോണിന് പി എസ് ജി സമ്മതിച്ചില്ല എങ്കിൽ താരത്തെ ലെപ്സിഗ് വാങ്ങും. കഴിഞ്ഞ സീസണിൽ പി.എസ്.വിയിൽ കളിച്ച താരത്തിന്റെ ബയ് ബാക്ക് ക്ലോസ് ആക്ടിവേറ്റ് ചെയ്താണ് പി.എസ്.ജി താരത്തെ തിരികെ സ്വന്തമാക്കിയത്. വലിയ ട്രാൻസ്ഫർ ഫീ വാങ്ങി വിൽക്കാൻ ആകും പി എസ് ജി ശ്രമിക്കുക.
