ആഴ്‌സണലിലേക്ക് പോകുന്ന ക്യാപ്റ്റനും മധ്യനിര താരവും ആയ ഡക്ലൻ റൈസിന് പകരം അയാക്‌സിന്റെ മെക്സിക്കൻ താരം എഡ്സൺ അൽവാരസിനെ ലക്ഷ്യമിട്ടു വെസ്റ്റ് ഹാം യുണൈറ്റഡ്. ഇത് വരെ 25 കാരനായ താരത്തിന് ആയി വെസ്റ്റ് ഹാം ബിഡ് ചെയ്തിട്ടില്ല എങ്കിലും ഉടൻ അവർ അയാക്‌സിന് മുന്നിൽ ഓഫർ വെക്കും എന്നാണ് റിപ്പോർട്ട്.
35-40 മില്യൺ പൗണ്ടിനു ഉള്ളിൽ താരത്തെ സ്വന്തമാക്കാൻ ആവും എന്ന പ്രതീക്ഷ ആണ് വെസ്റ്റ് ഹാമിനു ഉള്ളത്. നേരത്തെ താരത്തിന് ആയി ബൊറൂസിയ ഡോർട്ട്മുണ്ട് താരത്തിന് ആയി ഈ ട്രാൻസ്ഫർ വിന്റോയിൽ ശക്തമായി രംഗത്ത് ഉണ്ടായിരുന്നു എങ്കിലും അവർ പിന്നീട് പിന്മാറുക ആയിരുന്നു. താരത്തെ ടീമിൽ എത്തിക്കാൻ ആയാൽ അത് വെസ്റ്റ് ഹാമിനു വലിയ നേട്ടം ആവും.
