അയാക്സിന്റെ ഘാന വിങർ മുഹമ്മദ് കുദുസിന് ആയി ഇംഗ്ലീഷ് ക്ലബ് വെസ്റ്റ് ഹാം യുണൈറ്റഡ് രംഗത്ത്. തങ്ങളുടെ ബ്രസീലിയൻ താരം ലൂകാസ് പക്വറ്റയെ മാഞ്ചസ്റ്റർ സിറ്റി സ്വന്തമാക്കാൻ ശ്രമിക്കുന്നതിനാൽ താരത്തിന് പകരമായി കുദുസിനെ എത്തിക്കാൻ ആണ് വെസ്റ്റ് ഹാം ശ്രമം. പക്വറ്റ ക്ലബ് വിട്ടാൽ അയാക്സ് താരത്തെ എത്തിക്കാൻ ആവും വെസ്റ്റ് ഹാം ശ്രമിക്കുക. കഴിഞ്ഞ ലോകകപ്പിൽ ശ്രദ്ധേയ പ്രകടനം നടത്തിയ 23 കാരനായ കുദുസ് 2020 മുതൽ അയാക്സിന് ആയി മികച്ച പ്രകടനം ആണ് നടത്തുന്നത്.
വിങർ ആയും അറ്റാക്കിങ് മിഡ്ഫീൽഡർ ആയും താരം തിളങ്ങാറുണ്ട്. നേരത്തെ താരത്തെ വാങ്ങുന്ന കാര്യത്തിൽ ഏതാണ്ട് 50 മില്യൺ യൂറോയിൽ ബ്രൈറ്റൺ അയാക്സും ആയി ധാരണയിൽ എത്തിയത് ആയിരുന്നു. എന്നാലും റിലീസ് ക്ലോസ് വേണം എന്ന കുദുസിന്റെ ആവശ്യം ബ്രൈറ്റൺ നിറസിച്ചതോടെ താരം ക്ലബിൽ ചേരുന്ന കാര്യത്തിൽ സംശയം പ്രകടിപ്പിക്കുക ആയിരുന്നു. നിലവിൽ ഇത് വരെയും താരവും ആയി വ്യക്തിഗത ധാരണയിൽ എത്താൻ ബ്രൈറ്റണിനു ആയിട്ടില്ല.