ആറു മാസത്തെ ഇംഗ്ലീഷ് വാസത്തിന് ശേഷം ബേൺലിയുടെ മുന്നേറ്റ താരം വൗട്ട് വെഹോഴ്സ്റ്റ് തുർക്കിയിലേക്ക്.ഒരു വർഷത്തെ ലോണിൽ ബസിക്തസാണ് ഡച്ച് താരത്തെ ടീമിലേക്ക് എത്തിക്കുന്നത്. പുതിയ മാനേജർ വിൻസന്റ് കോമ്പാനി ടീം പുതുക്കുന്നതിന്റെ ഭാഗമായി കൂടിയാണ് താരത്തെ ലോണിൽ അയക്കാൻ തീരുമാനിച്ചത്.
ജനുവരിയിലാണ് വോൾഫ്‌ഡ്ബെർഗിൽ നിന്നും വെഹോഴ്സ്റ്റ് ബേൺലിയിൽ എത്തുന്നത്.എന്നാൽ പ്രതീക്ഷിച്ച പ്രകടനം പുറത്തെടുക്കാൻ കഴിയാതിരുന്ന താരത്തിന് പ്രീമിയർ ലീഗിൽ നിന്നും ടീം പുറത്താകുന്നതിനും സാക്ഷിയാകേണ്ടി വന്നു. ഇരുപത് മത്സരങ്ങളിൽ നിന്നും രണ്ടു ഗോളുകൾ മാത്രമാണ് ഈ കാലയളവിൽ ടീമിനായി നേടാൻ സാധിച്ചത്.
പ്രീമിയർ ലീഗിലേക്ക് തിരിച്ചു വരാൻ ആഗ്രഹിക്കുന്ന ബേൺലി കോമ്പനിക്ക് കീഴിൽ ടീം ശക്തിപ്പെടുത്താനുള്ള ഒരുക്കത്തിലാണ്.
