ആഴ്‌സണൽ താരം തോമസ് പാർട്ടിക്ക് ആയും സൗദി ക്ലബുകൾ രംഗത്ത്. 30 കാരനായ ഘാന താരത്തിന് ആയി 40 മില്യൺ യൂറോ വരെ സൗദി ക്ലബുകൾ ഓഫർ ചെയ്യും എന്നാണ് റിപ്പോർട്ട്. നേരത്തെ താരത്തെ ആഴ്‌സണൽ വിൽക്കാൻ തയ്യാറാണ് എന്ന റിപ്പോർട്ട് വന്നിരുന്നു.
എന്നാൽ ഇത് വരെ ഒരു തീരുമാനം പാർട്ടിയുടെ ഭാഗത്ത് നിന്ന് ഉണ്ടായിട്ടില്ല. നിലവിൽ യൂറോപ്യൻ ക്ലബുകളും താരത്തിന് ആയി താൽപ്പര്യം കാണിച്ചിട്ടുണ്ട്. എന്നാൽ ആഴ്‌സണൽ താരത്തിന് പുതിയ കരാർ നൽകില്ല എന്നു ഉറപ്പാണ്. നിലവിൽ 2 വർഷത്തെ കരാർ ആഴ്‌സണലിൽ താരത്തിന് ബാക്കിയുണ്ട്. എന്നാൽ പകരക്കാരനെ ലഭിക്കാതെ ആഴ്‌സണൽ താരത്തെ വിൽക്കില്ല എന്നാണ് സൂചന.
