യുവ ഡച്ച് താരം സാവി സിമൺസ് തന്റെ ഭാവി എന്താണെന്ന് യൂറോ കപ്പിനു മുമ്പ് തീരുമാനിക്കും. ഇപ്പോൾ ലോണിൽ ആർ.ബി ലൈപ്സിഗിൽ കളിക്കുകയാണ് താരം. ജർമ്മൻ ക്ലബിൽ മികച്ച പ്രകടനം നടത്താൻ താരത്തിന് ഇതുവരെ ആയിട്ടുമുണ്ട്. താരത്തെ ഒരു സീസണിൽ കൂടെ ലെപ്സിഗ് ലോണിൽ നിലനിർത്താൻ ആഗ്രഹിക്കുന്നുണ്ട്. പി എസ് ജി താരത്തെ തിരികെ ടീമിൽ എത്തിക്കുന്ന ആലോചനയും നടത്തുന്നുണ്ട്.
കഴിഞ്ഞ സീസണിൽ പി.എസ്.വിയിൽ കളിച്ച താരത്തിന്റെ ബയ് ബാക്ക് ക്ലോസ് ആക്ടിവേറ്റ് ചെയ്താണ് പി.എസ്.ജി താരത്തെ തിരികെ സ്വന്തമാക്കിയത്. പി എസ് ജി താരത്തെ അടുത്ത സീസണിലും ഫസ്റ്റ് ടീമിൽ കളിപ്പിക്കാൻ ഉദ്ദേശിക്കുന്നില്ല എങ്കിൽ വലിയ ട്രാൻസ്ഫർ ഫീ വാങ്ങി വിൽക്കാൻ ആകും ശ്രമിക്കുക.
