അർജന്റീന യുവ സ്ട്രൈക്കർ നിക്കോളാസ് ഗോൺസാലസിനെ ഇറ്റാലിയൻ ക്ലബായ എ.എസ്. ഫിയോറെന്റീന സ്വന്തമാക്കി. വി.എഫ്.ബി സ്റ്റട്ട്ഗാർട്ടിന്റെ താരമായിരുന്ന ഗോൺസാലസിനെ 27 മില്യൺ ഡോളറിനാണ് ഫിയൊറെന്റീന സ്വന്തമാക്കിയത്. 23 വയസുകാരൻ ഇപ്പോൾ കോപ അമേരിക്കയിൽ അർജന്റീനയ്ക്കായി കളിക്കുകയാണ്. പ്രീമിയർ ലീഗ് ക്ലബ്ബുകളായ ടോട്ടൻഹാം , ബ്രൈടൺ ക്ലബുകളുടെ ഓഫർ നിരസിച്ചാണ് താരം ഇറ്റലിയിലേക്ക് പോകുന്നത്. ഇന്ന് ഇത് സംബന്ധിച്ച് ഔദ്യോഗിക പ്രഖ്യാപനം വന്നു.
🇦🇷✍️⚜️#ForzaViola 💜 #Fiorentina pic.twitter.com/rfYODBnvZl
— ACF Fiorentina (@acffiorentina) June 23, 2021
സ്റ്റട്ട്ഗാർട്ടിന്റെ അവസാന രണ്ടു സീസണിലും ഗോൺസാലസ് പ്രധാന പങ്ക് വഹിച്ചിരുന്നു. താരത്തിന് ക്ലബ് പുതിയ കരാർ വാഗ്ദാനം ചെയ്തു എങ്കിലും നിരസിക്കുകയായിരുന്നു. ഈ 27 മില്യന്റെ 12 ശതമാനം നികോ ഗോൺസാലസിന്റെ മുൻ ക്ലബായ അർജന്റീനോസ് ജൂനിയേഴ്സിന് ലഭിക്കും. ഫിയൊറെന്റിന നികോളസിന്റെ യൂറോപ്പിലെ രണ്ടാമത്തെ ക്ലബ് മാത്രമാണ്.
