മധ്യനിര താരം മുഹമ്മദ് കുദൂസിനായുള്ള വെസ്റ്റ് ഹാം യുണൈറ്റഡിന്റെ രണ്ടാമത്തെ ബിഡും അയാക്സ് നിരസിച്ചു. കുദൂസിനായി 42 മില്യൺ യൂറോയുടെ ബിഡ് ആണ് വെസ്റ്റ് ഹാം നടത്തിയത്‌. എന്നാൽ ഈ തുകയ്ക്ക് ഇപ്പോൾ കുദൂസിനെ വിൽക്കാൻ ഉദ്ദേശിക്കുന്നില്ല എന്നാണ് അയാക്സ് പറഞ്ഞത്‌. 50 മില്യൺ യൂറോ എങ്കിലും കുദൂസിനായി ഇപ്പോൾ അയാക്സ് ഇപ്പോൾ പ്രതീക്ഷിക്കുന്നുണ്ട്‌.
വെസ്റ്റ് ഹാം യുണൈറ്റഡ് ഇനി ബിഡ് ചെയ്യുമോ എന്ന കാര്യം സംശയമാണ് എന്നാണ് റിപ്പോർട്ടുകൾ കുദൂസിനായി നേരത്തെ ബ്രൈറ്റണും രംഗത്ത് ഉണ്ടായിരുന്നു എങ്കിലും കുദൂസും ബ്രൈറ്റണുമായുള്ള ചർച്ചകൾ പാളിയിരുന്നു.
കുദൂസ് ഈ സീസണിലെ ആദ്യ രണ്ട് മത്സരങ്ങളിലും ഡച്ച് ക്ലബ്ബിനായി ഇറങ്ങിയിരുന്നു. രണ്ട് മത്സരങ്ങളും സ്റ്റാർട് ചെയ്ത താരം ഓപ്പണിംഗ് ഗെയിമിൽ സ്‌കോർ ചെയ്യുകയും രണ്ടാമത്തേതിൽ അസിസ്റ്റ് നൽകുകയും ചെയ്തിരുന്നു.
ഘാന രാജ്യാന്തര താരത്തിന് ഇനി രണ്ടു വർഷം കൂടെയേ അയാക്സിൽ കരാർ ഉള്ളൂ. അവിടെ പുതിയ കരാർ ഒപ്പുവെക്കാൻ കുദൂസ് ഒരുക്കവുമല്ല.2020 മുതൽ താരം അയാക്സിനൊപ്പം ഉണ്ട്.
