മാഞ്ചസ്റ്റർ യുണൈറ്റഡിന്റെ യുവതാരം മാറ്റിയോ മെഹിയ ക്ലബ് വിട്ടു. സെവിയ്യ ആണ് മാഞ്ചസ്റ്റർ യുണൈറ്റഡ് യുവതാരത്തെ സ്ഥിര കരാറിൽ സൈൻ ചെയ്യുന്നത്. താരത്തിന്റെ കരാർ ഈ സമ്മറിൽ അവസാനിക്കാൻ ഇരിക്കുക ആയിരുന്നു. ഇതിനു മുന്നോടിയായി താരത്തെ യുണൈറ്റഡ് വിൽക്കാൻ തീരുമാനിച്ചു. താരത്തെ ഭാവിയിൽ സെവിയ്യ വിൽക്കുമ്പോൾ 25% തുക മാഞ്ചസ്റ്റർ യുണൈറ്റഡിന് ലഭിക്കും.
20കാരനായ താരം റിയൽ സരഗോസയിൽ നിന്ന് 2019ൽ ആണ് മാഞ്ചസ്റ്റർ യുണൈറ്റഡിൽ ചേർന്നത്. കഴിഞ്ഞ സീസണിൽ പ്രീമിയർ ലീഗ് 2ൽ മാഞ്ചസ്റ്റർ യുണൈറ്റഡിന്റെ യുവടീമിൽ സ്ഥിര സാന്നിദ്ധ്യമായിരുന്നു. ജനിച്ചത് സ്പെയിനിലാണെങ്കിലും, അണ്ടർ 20 ലെവലിൽ കൊളംബിയയെ ആണ് താരം പ്രതിനിധീകരിച്ചത്.
