ചെൽസിയുടെ യുവ മിഡ്ഫീൽഡർ മേസൺ മൗണ്ടിനെ മാഞ്ചസ്റ്റർ യുണൈറ്റഡ് സ്വന്തമാക്കി. മൗണ്ടിനെ മാഞ്ചസ്റ്റർ യുണൈറ്റഡ് സ്വന്തമാക്കിയതായി ക്ലബ് ഇന്ന് ഔദ്യോഗികമായി അറിയിച്ചു. ഇന്നലെ മൗണ്ട് കാരിംഗ്ടണിൽ എത്തി മെഡിക്കൽ പൂർത്തിയാക്കിയിരുന്നു. അടുത്ത ദിവസം തന്നെ മൗണ്ട് യുണൈറ്റഡിനൊപ്പം പരിശീലനം ആരംഭിക്കും. മാഞ്ചസ്റ്റർ യുണൈറ്റഡിന്റെ ഈ സീസണിലെ ആദ്യ സൈനിംഗ് ആണ് മൗണ്ട്. അഞ്ച് വർഷത്തെ കരാർ ആകും മൗണ്ട് യുണൈറ്റഡിൽ ഒപ്പുവെക്കുക.
60 മില്യണ് ആണ് ട്രാൻസ്ഫർ തുക. 55 മില്യൺ ട്രാൻസ്ഫർ ഫീയും 5 മില്യൺ ആഡ് ഓണുമായിരിക്കും. മാഞ്ചസ്റ്റർ യുണൈറ്റഡിന്റെ ആദ്യ രണ്ട് ബിഡുകൾ ചെൽസി നിരസിച്ചിരുന്നു. എങ്കിലും അവസാനം ചെൽസി ട്രാൻസ്ഫർ തുക കുറക്കാൻ സമ്മതിക്കുകയായിരുന്നു.
ചെൽസി മൗണ്ടിനായി ആവശ്യപ്പെട്ട തുക ആദ്യം 80 മില്യൺ ആയിരുന്നു. അവിടെ നിന്നാണ് 55 മില്യണിലേക്ക് ഈ തുക കുറഞ്ഞത്. മൗണ്ടും മാഞ്ചസ്റ്റർ യുണൈറ്റഡുമായി ഒരു മാസം മുമ്പ് തമ്നെ കരാർ ധാരണയിൽ എത്തിയിരുന്നു. ചെൽസിയുടെ യൂത്ത് അക്കാദമിയുടെ റാങ്കുകളിലൂടെ ഉയർന്ന വന്ന താരമാണ് മൗണ്ട്. ചെൽസിക്ക് ഒപ്പം ചാമ്പ്യൻസ് ലീഗ് കിരീടം വരെ നേടിയിട്ടുണ്ട്.
