റോമാ താരം കെവിൻ സ്ട്രൂട്ട്മാനെ ടീമിലെത്തിച്ച് ഫ്രഞ്ച് ക്ലബ് മാഴ്സെ. 23 മില്യൺ പൗണ്ടിനാണ് താരം റോമാ വിട്ട് മാഴ്സെയിൽ എത്തിയത്. 2013ലാണ് താരം പി.എസ്.വി ഐന്തോവനിൽ നിന്ന് റോമയിൽ എത്തുന്നത്. റോമക്കായി 130 മത്സരങ്ങൾ കളിച്ച താരം അവർക്ക് വേണ്ടി 13 ഗോളുകളൂം നേടിയിട്ടുണ്ട്.
5 വർഷത്തെ കരാറിലാണ് സ്ട്രൂട്ട്മാൻ മാഴ്സെയിൽ എത്തുന്നത്. ഹാവിയർ പാസ്റ്റോറേയുടെയും സ്റ്റീവൻ എൻസോൻസിയുടെയും റോമയിലേക്കുള്ള വരവാണ് താരത്തെ ടീം വിടാൻ പ്രേരിപ്പിച്ചത്. നെതർലാൻഡിന് വേണ്ടി 40 മത്സരങ്ങൾ കളിച്ച സ്ട്രൂട്ട്മാൻ 3 ഗോളുകളും നേടിയിട്ടുണ്ട്.
