മാഞ്ചസ്റ്റർ യുണൈറ്റഡ് അവസാനം ആ രണ്ട് ട്രാൻസ്ഫറുകൾ പൂർത്തിയാക്കുകയാണ്. ബയേൺ മ്യൂണിക്കിന്റെ രണ്ട് താരങ്ങളെ സ്വന്തമാക്കാനായി മാഞ്ചസ്റ്റർ യുണൈറ്റഡ് സമർപ്പിച്ച ഓഫറുകൾ ബയേൺ സ്വീകരിച്ചു. ഡി ലിറ്റിറ്റും മസ്റോയിയും ആകും മാഞ്ചസ്റ്ററിലേക്ക് എത്തുന്നത്. 45 മില്യൺ നൽകിയാണ് ഡി ലിറ്റിനെ യുണൈറ്റഡ് സ്വന്തമാക്കുന്നത്. ഡി ലിറ്റ് നാളെ തന്നെ യുണൈറ്റഡിൽ എത്തി മെഡിക്കൽ പൂർത്തിയാക്കും.
ഫുൾബാക്കായ നൊസൈർ മസ്റോയിയെ 15 മില്യണ് ആകും യുണൈറ്റഡ് സ്വന്തമാക്കുന്നത്. മസ്റോയിക്കായി നൽകിയ ഓഫർ ബയേൺ സ്വീകരിച്ചു എങ്കിലും വാൻ ബിസാകെയെ വിറ്റാലെ ഈ ട്രാൻസ്ഫർ നടക്കൂ. ബിസാക വെസ്റ്റ് ഹാമിലേക്ക് എത്തുന്നതിന് അടുത്താണ്‌.
ഡി ലിറ്റും മസ്രോയിയും നേരത്തെ തന്നെ മാഞ്ചസ്റ്റർ യുണൈറ്റഡിലേക്ക് വരാൻ തയ്യാറായിരുന്നു. ഇരുവരും യുണൈറ്റഡുമായി 5 വർഷത്തെ കരാറിൽ എത്തിയിട്ടുണ്ട്‌. മാഞ്ചസ്റ്റർ യുണൈറ്റഡ് പ്രീമിയർ ലീഗ് സീസൺ ആരംഭിക്കുന്നതിന് മുമ്പ് ഈ രണ്ട് ട്രാൻസ്ഫറും പൂർത്തിയാക്കാൻ ആണ് ആഗ്രഹിക്കുന്നത്.
