ഇംഗ്ലീഷ് പ്രീമിയർ ലീഗ് ക്ലബ് വോൾവ്സിന്റെ പോർച്ചുഗീസ് മധ്യനിര താരം മാതിയസ് നൂനസിന് ആയി മാഞ്ചസ്റ്റർ സിറ്റി ശ്രമം. മധ്യനിര ശക്തമാക്കുന്നതിന്റെ ഭാഗം ആയാണ് 24 കാരനായ താരത്തെ ഇംഗ്ലീഷ് ചാമ്പ്യന്മാർ ലക്ഷ്യം വെക്കുന്നത്. എന്നാൽ ടീമിൽ വലിയ പ്രാധാന്യം ഉള്ള താരത്തെ വിട്ട് കൊടുക്കാൻ വോൾവ്സ് തയ്യാറാവില്ല. നിലവിൽ താരത്തിന് ആയി മാഞ്ചസ്റ്റർ സിറ്റി 50 മില്യൺ യൂറോയുടെ ഓഫർ മുന്നോട്ട് വെച്ചു എന്നാണ് റിപ്പോർട്ട്. താരം ഇതിനകം തന്നെ സിറ്റിയും ആയി ധാരണയിൽ വ്യക്തിഗത എത്തി എന്നും റിപ്പോർട്ട് പറയുന്നു.
സ്പോർട്ടിങ് ലിസ്ബണിൽ നിന്നു 2022 ഓഗസ്റ്റിൽ ക്ലബ് റെക്കോർഡ് തുകയായ 45 മില്യൺ യൂറോ നൽകി വോൾവ്സ് ടീമിൽ എത്തിച്ച താരത്തിന് ഇതിനെക്കാൾ വളരെ കൂടുതൽ അവർ പ്രതീക്ഷിക്കുന്നുണ്ട്. മധ്യനിര നിറഞ്ഞു കളിക്കുന്ന താരം സ്പോർട്ടിങിനു ആയി 101 മത്സരങ്ങളിൽ നിന്നു 8 ഗോളുകളും വോൾവ്സിന് ആയി 40 മത്സരങ്ങളിൽ നിന്നു 1 ഗോളും നേടിയിട്ടുണ്ട്. പോർച്ചുഗലിന് ആയി 2021 ൽ അരങ്ങേറ്റം കുറിച്ച താരം ഇത് വരെ 11 കളികളിൽ നിന്നു 1 ഗോൾ രാജ്യത്തിനു ആയി നേടിയിട്ടുണ്ട്. പ്രീമിയർ ലീഗിൽ നിലനിൽക്കാൻ പൊരുതുന്ന വോൾവ്സ് താരത്തെ നിലനിർത്താൻ ശ്രമിക്കും എന്നുറപ്പാണ്.
