വെസ്റ്റഗാർഡിനെ വിറ്റ സതാമ്പ്ടൺ പകരക്കാരനെ കണ്ടെത്തിയിരിക്കുകയാണ്. ബ്രസീലിയൻ സെന്റർ ബാക്കായ ലയാങ്കോ ആയിരിക്കും സതാമ്പ്ടണിൽ എത്തുന്നത്. ഇറ്റാലിയൻ ക്ലബായ ടൊറീനോയിൽ നിന്നാണ് താരം എത്തുന്നത്. ഏഴ് മില്യൺ യൂറോയോളം ആകും ട്രാൻസ്ഫർ തുക. സ്പാനിഷ് ക്ലബായ റയൽ ബെറ്റിസും ലയാങ്കോക്ക് വേൺയ്യി രംഗത്ത് ഉണ്ടായിരുന്നു എങ്കിലും താരം സതാമ്പ്ടൺ തിരഞ്ഞെടുക്കുക ആയിരുന്നു. താരം മെഡിക്കൽ പൂർത്തിയാക്കിയതായി ഫബ്രിസിയോ റൊമാനോ റിപ്പോർട്ട് ചെയ്യുന്നു. 2025വരെയുള്ള കരാർ ആകും താരം ഒപ്പുവെക്കുക. 2017 മുതൽ ടൊറീനോക്ക് ഒപ്പമാണ് ലയാങ്കോ കളിക്കുന്നത്. 24കാരനായ താരം ബ്രസീലിയൻ അണ്ടർ 23 ടീമിനായി കളിച്ചിട്ടുണ്ട്.
Download the Fanport app now!
