ടോട്ടനം ഹോട്സ്പറിന്റെ അർജന്റീനൻ മധ്യനിര താരം ജിയോവാണി തന്റെ മുൻ ക്ലബ് ആയ റയൽ ബെറ്റിസിൽ തിരിച്ചെത്തി. 2019 ൽ വലിയ തുകക്ക് ബെറ്റിസിൽ നിന്നു ടോട്ടനത്തിൽ എത്തിയ താരത്തിന് പക്ഷെ ഇംഗ്ലണ്ടിൽ പരിക്കും ഫോമില്ലായ്മയും വില്ലൻ ആയി. തുടർന്നു ഇടക്ക് ലോണിൽ താരം 2 തവണ വിയ്യറയലിലും കളിച്ചു.
നിലവിൽ ഏതാണ്ട് 4 മില്യൺ യൂറോക്ക് ആണ് കോപ്പ അമേരിക്ക ജേതാവ് ആയ അർജന്റീനൻ താരം ടോട്ടനം വിടുന്നത്. ഇത് കൂടാതെ ബെറ്റിസ് താരം ജോണി കാർഡോസയെ ആദ്യം സ്വന്തമാക്കാനുള്ള അവകാശവും ടോട്ടനം നേടി. കാർഡോസയെ ഏതെങ്കിലും ക്ലബ് 30 മില്യൺ യൂറോയോ അതിനു മുകളിലോ കൊടുത്ത് സ്വന്തമാക്കാൻ വന്നാൽ അത് നിഷേധിക്കാനുള്ള അവകാശം ടോട്ടനത്തിനു ഉണ്ടാവും.
