കരിയസ് ഇനി ന്യൂകാസിൽ യുണൈറ്റഡിൽ, പക്ഷെ വെറും നാലു മാസത്തെ കരാർ മാത്രം

Img 20220912 221154

ഗോൾ കീപ്പർ ലോരിസ് കരിയസ് ന്യൂകാസിൽ യുണൈറ്റഡിൽ എത്തി. ഫ്രീ ഏജന്റായ താരത്തെ സൈൻ ചെയ്തതായി ന്യൂകാസിൽ യുണൈറ്റഡ് ഇന്ന് ഔദ്യോഗികമായി പ്രഖ്യാപിച്ചു. ന്യൂകാസിലിന്റെ രണ്ടാം ഗോൾ കീപ്പർ ആയ കാൾ ഡാർലോക്ക് പരിക്കേറ്റതോടെ ആയിരുന്നു ന്യൂകാസിൽ ഒരു കീപ്പറെ എത്തിക്കാൻ തീരുമാനിച്ചത്.

കരിയസിന് നാലു മാസത്തെ കരാർ മാത്രമെ ന്യൂകാസിൽ ഇപ്പോൾ നൽകിയിട്ടുള്ളൂ. ജനുവരി കഴിഞ്ഞ് മാത്രമെ കരാർ നീട്ടണോ എന്ന് ന്യൂകാസിൽ തീരുമാനിക്കുകയുള്ളൂ.

ലോരിസ് കരിയസ് ലിവർപൂളിലെ കരാർ അവസാനിച്ചതോടെ കഴിഞ്ഞ മാസം ആൻഫീൽഡ് വിട്ടിരുന്നു. 2017-18 സീസണിലെ ചാമ്പ്യൻസ് ലീഗ് ഫൈനലിൽ ലിവർപൂളിന്റെ വല കാത്ത കരിയസ് പിന്നീട് ഒരിക്കലും ലിവർപൂളിനായി കളിച്ചിട്ടില്ല. തുർക്കിയിൽ ബെസികസിനായും ജർമ്മനിയിൽ യൂണിയൻ ബർലിനായും താരം ലോണിൽ കളിച്ചിരുന്നു.