ചെൽസി സ്ട്രൈക്കർ ജിറൂദിന്റെ കരാർ ചെൽസി ഒരു വർഷത്തേക്ക് പുതുക്കി എങ്കിലും താരത്തെ സ്വന്തമാക്കാനുള്ള ശ്രമങ്ങൾ എ സി മിലാൻ തുടരുകയാണ്.
മിലാൻ ഒലിവിയർ ജിറൂദുമായി കരാർ ധാരണയിലെത്തിയെന്ന് ഫ്രഞ്ച് മാധ്യമങ്ങൾ റിപ്പോർട്ട് ചെയ്യുന്നു. പക്ഷെ ചെൽസി താരത്തെ റിലീസ് ചെയ്താൽ മാത്രമെ ഈ ട്രാൻസ്ഫർ നടക്കുകയുള്ളൂ. ഇംഗ്ലണ്ടിൽ നിന്നല്ലാതെ ഏതു ക്ലബ് വന്നാലും താരത്തെ റിലീസ് ചെയ്തു കൊടുക്കും എന്ന് കരാർ പുതുക്കും മുമ്പ് ചെൽസി പറഞ്ഞിരുന്നു.
2020-21 ൽ ചെൽസിയിൽ 31 മത്സരങ്ങൾ ജിറൂദ് കളിച്ചിരുന്നു. താരം ഈ സീസണിൽ എട്ട് ചാമ്പ്യൻസ് ലീഗ് മത്സരങ്ങളിൽ നിന്ന് ആറ് ഗോളുകൾ നേടിയിരുന്നു. ഒരു സീസണിൽ 4 മില്യൺ ഡോളർ വിലമതിക്കുന്ന രണ്ട് വർഷത്തെ കരാർ മിലാൻ വാഗ്ദാനം ചെയ്തിട്ടുണ്ട്. ഫ്രാൻസിനൊപ്പം യൂറോ കപ്പിൽ കളിക്കാൻ ഒരുങ്ങുകയാണ് ജിറൂദ് ഇപ്പോൾ.
