ഫ്രഞ്ച് ഫോർവേഡ് ഒലിവിയർ ജിറൂദ് മിലാൻ വിടും. ഇന്ന് താൻ എ സി മിലാൻ വിടും എന്ന് താരം ഔദ്യോഗികമായി അറിയിച്ചു. എം എൽ എസ് ക്ലബായ LAFC ആകും ഇനി ജിറൂദിനെ സൈൻ ചെയ്യുക. താരവും അമേരിക്കൻ ക്ലബുമായി കരാർ ധാരണയിൽ എത്തിയതായി ഫബ്രിസിയോ റൊമാനോ റിപ്പോർട്ട് ചെയ്യുന്നു. യൂറോപ്പിലെ ഈ സീസൺ അവസാനത്തോടെ ജിറൂഡ് അമേരിക്കയിലേക്ക് യാത്ര തിരിക്കും.
എസി മിലാനുമായുള്ള ജിറൂദിന്റെ കരാർ ഈ വേനൽക്കാലത്ത് അവസാനിക്കും. യൂറോ 2024-ന് ശേഷം ആകും അദ്ദേഹം എം എൽ എസ് കളിച്ചു തുടങ്ങുക. 37 കാരനായ ജിറൂഡ് ഫ്രാൻസിൻ്റെ എക്കാലത്തെയും ടോപ് സ്‌കോററാണ്. എ സി മിലാനായി ആകെ 48 ഗോളുകളും 20 അസിസ്റ്റുകളും ജിറൂഡ് സംഭാവന ചെയ്തിട്ടുണ്ട്. ഒരു സീരി എ കിരീടവും അവർക്ക് ഒപ്പം നേടി.
