ഇന്റർ മയാമി ഒരു വലിയ ട്രാൻസ്ഫർ കൂടെ നടത്തുകയാണ്. അർജൻ്റീനിയൻ യൂത്ത് നാഷണൽ ടീമിന്റെയുൻ അർജൻ്റീനോസ് ജൂനിയേഴ്സിന്റെയും താരമായ ഡിഫൻസീവ് മിഡ്ഫീൽഡർ ഫെഡറിക്കോ റെഡോണ്ടോയെ ഇന്റർ മയാമി സ്വന്തമാക്കും. ഇന്റർ മയാമി ഈ ട്രാൻസ്ഫർ ഉടൻ പൂർത്തിയാക്കും എന്ന് ഫബ്രിസിയോ റൊമാനോ റിപ്പോർട്ട് ചെയ്യുന്നു.
21 കാരനായ മിഡ്ഫീൽഡർക്കായി ഇൻ്റർ മിയാമി 8 മില്യൺ യൂറോ നൽകും. കൂടാതെ, അർജൻ്റീനോസ് ജൂനിയേഴ്സിന് ഭാവിയിൽ താരത്തെ ഇന്റർ മയാമി വിൽക്കുമ്പോൾ ട്രാൻസ്ഫർ ഫീയുടെ 15% ലഭിക്കും.
കഴിഞ്ഞ സീസണിൽ മിഡ്ഫീൽഡർ 58 മത്സരങ്ങളിൽ കളിച്ചിട്ടുണ്ട്, രണ്ട് ഗോളുകളും രണ്ട് അസിസ്റ്റുകളും നൽകി. അർജൻ്റീന അണ്ടർ-20 ദേശീയ ടീമിനായി 7 മത്സരങ്ങളും അർജൻ്റീന അണ്ടർ-23 ടീമിനായി 10 മത്സരങ്ങളും റെഡോണ്ടോ കളിച്ചു. മുൻ റയൽ മാഡ്രിഡ് മിഡ്ഫീൽഡർ ഫെർണാണ്ടോ റെഡോണ്ടോയുടെ മകനാണ് ഫെഡറിക്കോ റെഡോണ്ടോ.
