26കാരനായ ബോൺമൗത്ത് സ്ട്രൈക്കർ ഡൊമിനിക് സൊളങ്കെയെ സ്വന്തമാക്കാൻ ടോട്ടനം രംഗത്ത്. 65 മില്യൺ പൗണ്ട് എന്ന സൊളങ്കയുടെ റിലീസ് ക്ലോസ് നൽകാൻ ടോട്ടനം തയ്യാറാണെന്നാണ് റിപ്പോർട്ടുകൾ. ചെൽസിയും താരത്തിനായി രംഗത്ത് ഉണ്ടെങ്കിലും ഇത്ര വലിയ തുക അവർ നൽകാൻ ഒരു സാധ്യതയുമില്ല.
മുമ്പ് ചെൽസിയിലും ലിവർപൂളിലും എല്ലാം കളിച്ചിട്ടുള്ള താരമാണ് എങ്കിലും ബൗണ്മതിൽ എത്തിയതിനു ശേഷമാണ് സൊളങ്കെ തന്റെ മികച്ച ഫോമിലേക്ക് എത്തിയത്. 2023/24 കാമ്പെയ്നിൽ 26-കാരൻ മികച്ച പ്രകടനമാണ് നടത്തിയത്, എല്ലാ മത്സരങ്ങളിലുമായി 42 മത്സരങ്ങളിൽ നിന്ന് 21 ഗോളുകളും നാല് അസിസ്റ്റുകളും താരൻ നേടി.
