ഡാനി ഓൽമോ ബാഴ്സലോണയിലേക്ക് തന്നെ, താരത്തെ കൈമാറുന്ന കാര്യത്തിൽ ആർ.ബി ലൈപ്സിഗും ബാഴ്സലോണ ധാരണയിൽ എത്തി. നേരത്തെ തന്നെ തങ്ങളുടെ മുൻ അക്കാദമി താരമായ ഓൽമയും ആയി ബാഴ്സലോണ 6 വർഷത്തെ കരാർ ധാരണയിൽ എത്തിയിരുന്നു.
ജർമ്മനിയിൽ വെച്ചു ബാഴ്സലോണ ഡയറക്ടർ ഡെക്കോ ലൈപ്സിഗും ആയി നടത്തിയ ചർച്ചകൾക്ക് ഒടുവിൽ ആണ് നീക്കത്തിന് ജർമ്മൻ ക്ലബ് സമ്മതിച്ചത്. നിലവിൽ 55 മില്യൺ യൂറോക്ക് ഒപ്പം 7 മില്യൺ യൂറോ ആഡ് ഓൺ തുകക്ക് താരത്തെ കൈമാറാൻ ആണ് ലൈപ്സിഗ് സമ്മതിച്ചത്. നേരത്തെ നിക്കോ വില്യംസിനെ ടീമിൽ എത്തിക്കാൻ ആവാത്ത ബാഴ്സക്ക് ഓൽമയെ ടീമിൽ എത്തിക്കാൻ ആവുന്നത് ആശ്വാസമാണ്.
