ഫ്രഞ്ച് ലീഗിൽ ലോറിയന്റ് താരമായ ഡാങോ ഒട്ടാരയെ ബേൺമൗത്ത് ടീമിലേക്ക് എത്തിക്കുന്നു. കൈമാറ്റത്തിന് ടീമുകൾ തമ്മിൽ ധാരണയിൽ എത്തിയതായി ഫാബ്രിസിയോ റോമാനോ റിപ്പോർട്ട് ചെയ്യുന്നു. മുന്നേറ്റ താരത്തെ എതിക്കാൻ വേണ്ടി ഏകദേശം ഇരുപത് മില്യൺ പൗണ്ട് ആണ് ബേൺമൗത്ത് ചിലവഴിക്കുക. താരം മെഡിക്കൽ പരിശോധനകൾക്ക് വേണ്ടി തിരിച്ചിട്ടുണ്ട്.
ആഫ്രിക്കൻ രാജ്യമായ ബുർക്കിനോ ഫാസോയുടെ താരമായ ഒട്ടാര, രാജ്യത്തെ മജസ്റ്റിക് ക്ലബ്ബിൽ നിന്നാണ് ഫ്രഞ്ച് ലീഗിലേക്ക് എത്തുന്നത്. 2020ൽ ലോറിയന്റെ ബി ടീമിൽ ചേർന്ന താരം തൊട്ടടുത്ത സീസൺ മുതൽ സീനിയർ ടീമിലും അരങ്ങേറി. ഇത്തവണ പതിനെട്ട് മത്സരങ്ങളിൽ നിന്നും ആറ് ഗോളുകൾ നേടാൻ ഇരുപതുകാരനായിട്ടുണ്ട്. റെലെഗേഷൻ സോണിന് തൊട്ടടുത്തതായി നിൽക്കുന്ന ബേൺമൗത്ത് ജനുവരിയിൽ ടീമിലേക്ക് എത്തിക്കുന്ന ആദ്യ താരമാണ് ഒട്ടാര.
