ആഴ്‌സണൽ താരം ടോമിയാസുവിനെ ക്ലബ് വിൽക്കാൻ ഒരുങ്ങുക ആണെന്ന വാർത്തകൾ അടിസ്ഥാനരഹിതം എന്നു ഫ്രബ്രിയാസോ റൊമാനോ. ജപ്പാനീസ് പ്രതിരോധതാരത്തെ നേരത്തെ ആഴ്‌സണൽ യുവന്റസ്, നാപ്പോളി ടീമുകൾക്ക് മുന്നിൽ വിൽപ്പനക്ക് വെച്ചു എന്നായിരുന്നു റിപ്പോർട്ട് വന്നത്.
എന്നാൽ ഇതിൽ വാസ്തവം ഇല്ലെന്നു റൊമാനോ വ്യക്തമാക്കി. നിലവിൽ താരത്തെ വിൽക്കാൻ ആഴ്‌സണലിന് പദ്ധതികൾ ഇല്ലെന്നു അദ്ദേഹം വ്യക്തമാക്കി. ആഴ്‌സണൽ പകരം ഒരു ഫുൾ ബാക്കിനെ കൊണ്ടു വന്നാൽ മാത്രമെ താരത്തെ വിൽക്കുന്ന കാര്യം ക്ലബ് ആലോചിക്കുകയുള്ളൂ. റൈറ്റ്, ലെഫ്റ്റ്, സെന്റർ ബാക്ക് ആയി കളിക്കാൻ സാധിക്കുന്ന ടോമിയാസു ആഴ്‌സണൽ ആരാധകരുടെ പ്രിയപ്പെട്ട താരമാണ്.
