മാഞ്ചസ്റ്റർ യുണൈറ്റഡ് സ്‌ട്രൈക്കർ ആന്റണി മാർഷ്യൽ സെവിയ്യയിലേക്ക് ഉള്ള ട്രാൻസ്ഫർ പൂർത്തിയാക്കാൻ ആയി സ്പെയിനിൽ എത്തി. താരം ഇന്ന് മെഡിക്കൽ പൂർത്തിയാക്കും. റയൽ മാഡ്രിഡിന് തൊട്ടു പിറകിൽ ഉള്ള സെവിയ്യക്ക് മാർഷ്യലിന്റെ വരവ് കരുത്ത് നൽകും. ഇന്ന് തന്നെ മാർഷ്യലിന്റെ സൈനിംഗ് സെവിയ്യ ഔദ്യോഗികമായി പ്രഖ്യാപിക്കും.
തുടക്കത്തിൽ ലോൺ കരാറിൽ ആകും താരത്തെ സെവ്വിയ ടീമിൽ എത്തിക്കുക. മാർഷ്യൽ ഇപ്പോൾ മാഞ്ചസ്റ്റർ യുണൈറ്റഡിൽ കളിക്കാൻ അവസരമില്ലാതെ കഷ്ടപ്പെടുകയാണ്. താരം അടുത്തിടെ യുണൈറ്റഡിന്റെ സ്ക്വാഡിൽ നിന്നും പുറത്തായിരുന്നു. ബാഴ്സലോണ, യുവന്റസ് എന്നീ ക്ലബുകളും മാർഷ്യലിനായി ശ്രമിച്ചിരുന്നു. അവരെ മറികടന്നാണ് സെവിയ്യ താരത്തെ സ്വന്തമാക്കുന്നത്.
അവസാന ആറു വർഷമായി മാഞ്ചസ്റ്റർ യുണൈറ്റഡിന് ഒപ്പം ഉള്ള താരമാണ് മാർഷ്യൽ.
