മാഞ്ചസ്റ്റർ യുണൈറ്റഡിൽ ലോണിൽ കളിക്കുന്ന അമ്രബതിനായി എ സി മിലാൻ രംഗത്ത്. മാഞ്ചസ്റ്റർ യുണൈറ്റഡ് സോഫ്യാൻ അമ്രബാതിന്റെ ലോൺ പുതുക്കുകയോ താരത്തെ സ്ഥിര കരാറിൽ സ്വന്തമാക്കുകയോ ഇല്ല എന്ന് ഉറപ്പായിട്ടുണ്ട്. താര. തിരികെ ഫിയൊറെന്റിനയിലേക്ക് പോകാൻ ഒരുങ്ങുകയാണ്. എ സി മിലാൻ അടുത്ത സീസണിലേക്ക് അമ്രബതിനെ ടീമിലെത്തിക്കാൻ നോക്കുന്നതായി ഇറ്റാലിയൻ മാധ്യമങ്ങൾ റിപ്പോർട്ട് ചെയ്യുന്നു.
ഫിയിറെന്റിനയിൽ നിന്ന് ലോൺ കരാറിൽ ആണ് താരം ഇപ്പോൾ യുണൈറ്റഡിൽ കളിക്കുന്നത്. സീസൺ അവസാനം 20 മില്യൺ നൽകിയാൽ യുണൈറ്റഡിന് അമ്രബതിനെ സൈൻ ചെയ്യാം. പക്ഷെ യുണൈറ്റഡ് ആ ക്ലോസ് ഉപയോഗിക്കില്ല.
മൊറോക്കൻ താരം അമ്രബത് കഴിഞ്ഞ ലോകകപ്പിൽ ലോക ശ്രദ്ധ നേടിയ പ്രകടനം മധ്യനിരയിൽ കാഴ്ചവെച്ചിരുന്നു. എന്നാൽ ആ മികവ് മാഞ്ചസ്റ്റർ യുണൈറ്റഡ് ജേഴ്സിയിൽ കാണാൻ ആയില്ല. 26കാരനായ താരം 2020 മുതൽ ഫിയൊറെന്റിനക്ക് ഒപ്പം ഉണ്ട്. അതിനു മുമ്പ് ഹെല്ലാസ് വെറോണക്കായും ഇറ്റലിയിൽ കളിച്ചു. മൊറോക്കൻ ദേശീയ ടീമിനായി അമ്പതോളം മത്സരങ്ങൾ ഇതിനകം കളിച്ചിട്ടുണ്ട്.
